Albanian Development Guarantee Foundation (ADGF)
Tirana | Full-time
Menaxheri i Riskut është përgjegjës për drejtimin dhe mbikëqyrjen e funksionit të përgjithshëm të menaxhimit të riskut në ADGF, duke siguruar që të gjitha risqet që lidhen me aktivitetet e institucionit të identifikohen, vlerësohen, monitorohen dhe menaxhohen në mënyrë të duhur, në përputhje me politikat e brendshme, kërkesat e donatorëve dhe praktikat më të mira ndërkombëtare.
Njëkohësisht, ky pozicion është përgjegjës edhe për funksionin e përputhshmërisë, duke siguruar përputhshmëri me kërkesat e autoriteteve rregullatore, donatorëve apo partnerëve të zhvillimit, si dhe me kuadrin e brendshëm operacional.
Roli përfshin mbikëqyrje strategjike të risqeve në tërësi, bashkëpunim me institucionet financiare partnere, si dhe raportim të drejtpërdrejtë tek Bordi i Drejtorëve dhe menaxhimi ekzekutiv.
Përgjegjësitë Kryesore
• Zhvillon dhe përmirëson vazhdimisht metodologjitë për identifikimin, vlerësimin dhe menaxhimin e risqeve në të gjitha aktivitetet e ADGF;
• Siguron zbatimin efektiv të politikave të menaxhimit të riskut dhe që të gjitha ekspozimet të qëndrojnë brenda limiteve të miratuara dhe tolerancës ndaj riskut, si dhe përputhshmërinë me politikat e brendshme dhe kërkesat ligjore dhe rregullatore në fuqi;
• Mbikëqyr riskun e garancive të kredive dhe monitoron cilësinë dhe performancën e portofolit të garantuar;
• Rishikon dhe vlerëson propozimet lidhur me limitet e portofolit të garancive, limitet e ekspozimit ndaj PFI-ve dhe kufijtë e tjerë të lidhur me riskun;
• Rishikon në mënyrë periodike klasifikimin e kredive bazuar në raportet e brendshme dhe siguron krijimin në kohë dhe në mënyrë të përshtatshme të provigjioneve;
• Rishikon dhe miraton kërkesat për ristrukturim kredish dhe për kredi të kërkuara për pagesë, si dhe ndjek procesin e rikuperimeve në bashkëpunim me Menaxherët e Portofolit, duke siguruar zbatimin e parimit pari-passu;
• Përgatit dhe paraqet raporte dhe analiza mbi riskun dhe përputhshmërinë për Drejtorin Ekzekutiv, Komitetin e Menaxhimit të Riskut dhe Bordin e Drejtorëve;
• Analizon trendet e portofolit, përfshirë kreditë me probleme (NPL), pagesat (claims) dhe rikuperimet, duke ofruar rekomandime të bazuara në analizën e riskut për mbështetjen e vendimmarrjes;
• Ofron kontribut nga këndvështrimi i riskut në kontrata të rëndësishme, iniciativa strategjike dhe produkte apo skema të reja garancie;
• Kryen due diligence për bankat dhe institucionet mikrofinanciare partnere, duke përfshirë zhvillimin e metodologjive të brendshme të vlerësimit dhe monitorimin e vazhdueshëm të performancës së tyre financiare;
• Propozon dhe zbaton përmirësime në proceset dhe procedurat e menaxhimit të riskut dhe në kuadrin e brendshëm institucional, duke përfshirë identifikimin e boshllëqeve, hetimin e rasteve të mospërputhshmërisë apo parregullsive dhe sigurimin e dokumentimit dhe ndjekjes së duhur.
Kualifikime dhe Eksperiencë
• Diplomë universitare në Financë, Ekonomi, Menaxhim Risku ose fusha të ngjashme;
• Minimumi 5–7 vite eksperiencë përkatëse në menaxhim risku në banka, institucione financiare ose institucione të financimit zhvillimor;
• Njohuri të forta mbi menaxhimin e riskut në nivel të përgjithshëm, përfshirë risqet financiare, operacionale dhe të portofolit;
• Aftësi të forta analitike, vendimmarrëse dhe drejtuese;
• Njohuri të avancuara në Excel dhe aftësi të mira raportimi;
• Aftësi shumë të mira komunikimi në gjuhën angleze.
Çfarë Ofrojmë
• Një mjedis pune profesional dhe të qëndrueshëm;
• Ekspozim ndaj institucioneve financiare, donatorëve ndërkombëtarë dhe aktiviteteve të financimit zhvillimor;
• Mundësi për zhvillim dhe rritje profesionale;
• Paketë konkurruese shpërblimi, në përputhje me eksperiencën dhe kualifikimet.
Kandidatët e interesuar ftohen të dërgojnë CV-në e tyre në adresën [email protected] deri më 10 maj 2026.
