Skip to content

Zgjerohet bashkëpunimi midis Albanian Development Guarantee Foundation dhe Crimson Finance Fund Albania në kuadër të Programit të garancisë EU–KfW i cili rrit mundësitë e financimit për bizneset

Tiranë, 09/04/2026 – Albanian Development Guarantee Foundation (ADGF) dhe Crimson Finance Fund Albania (CFFA) zgjeruan marrëveshjen e bashkëpunimit, duke zgjeruar më tej mundësitë e financimit për ndërmarrjet mikro, të vogla dhe të mesme në Shqipëri.

Marrëveshja e re realizohet në kuadër të Programit EU–KfW Western Balkans Guarantee dhe synon të lehtësojë aksesin në kredi për bizneset përmes mekanizmit të garancisë, duke reduktuar rrezikun për institucionet financiare dhe duke nxitur kreditimin në sektorë me potencial zhvillimi.

Përmes këtij bashkëpunimi, bizneset do të kenë më shumë mundësi për financim, duke mbështetur investimet, rritjen dhe përafrimin me standardet e Bashkimit Evropian.

“Ky bashkëpunim zgjeron më tej mundësitë për financimin e bizneseve dhe forcon rolin e garancive si instrument për zhvillimin e sektorit privat dhe mbështetjen e integrimit drejt Bashkimit Evropian,” u shpreh Znj. Gertjana Drita – Drejtore Ekzekutive e ADGF.

Nga ana e tij, Z. Dorin Rama – Drejtor i Përgjithshëm i CFFA theksoi se marrëveshja krijon hapësira të reja për mbështetjen e bizneseve dhe për zgjerimin e aktivitetit kreditues.

Kjo marrëveshje vjen pas partneritetit të mëparshëm të ADGF me CFFA dhe shënon një hap të mëtejshëm në zgjerimin e bashkëpunimit me kete institucion financiar.

 

Zgjerohet bashkëpunimi midis Albanian Development Guarantee Foundation dhe Crimson Finance Fund Albania në kuadër të Programit të garancisë EU–KfW i cili rrit mundësitë e financimit për bizneset

9 Prill, 2026

Workshop me bankat partnere mbi procedurat e përditësuara operacionale

24 Shkurt, 2026

Prezantimi i Programit të Garancisë BE–KfW për Ballkanin Perëndimor për të forcuar aksesin e NVM-ve në financë në Shqipëri

22 Janar, 2026

Një dekadë partneriteti dhe mirënjohjeje – ADGF falënderon institucionet financiare partnere

5 Nëntor, 2025

Fjala përshëndetëse e Drejtoreshës Ekzekutive, znj. Gertjana Drita në ceremoninë e 10-vjetorit të ADGF

5 Nëntor, 2025

Gertjana Drita

Drejtore Ekzekutive

Gertjana iu bashkua ADGF-së në fillim të vitit 2020 dhe aktualisht mban pozicionin e Drejtores Ekzekutive të fondacionit.
Ajo vjen me një eksperiencë prej më shumë se 15 vitesh në sektorin bankar, duke mbajtur pozicione drejtuese në Menaxhimin e Burimeve Njerëzore dhe Departamentin e Biznesit SME.
Gertjana është diplomuar për Financë dhe Kontabilitet në Universitetin e Tiranës dhe ka marrë pjesë në shumë programe ndërkombëtare trajnimi.

Laureta Domi

Menaxhere e Garancive

Laureta iu bashkua ADGF në fillim të vitit 2022 dhe aktualisht mban pozicionin e Menaxheres së Garancive në fondacion.
Ajo është Menaxhere e Lartë Finance dhe Banke me eksperiencë prej 19 vitesh në ndërtim ekipi, udhëheqje, efektivitet në shitje, eksperiencë me klientët dhe menaxhim portofoli.
Laureta ka diplomë Bachelor dhe Master Shkencor në Menaxhim nga Fakulteti i Ekonomisë, Universiteti i Tiranës si dhe një Diplomë Master në Financë dhe Bankë nga Instituti Universitaire Kort Bosch, në Zvicër, si dhe shumë kurse dhe trajnime të çertifikuara. Ajo gjithashtu është lektore në Universitetin Aleksandër Moisiu.

Ermir Çoba

Menaxher Portofoli Agro & RE

Ermiri iu bashkua ADGF-së në Maj të vitit 2022 dhe është përgjegjës për menaxhimin e portofolit të garancive Agro dhe Energji Eficense/Rinovueshme.
Ai ka një eksperiencë prej rreth 15 vitesh në sistemin bankar dhe mikrofinancës, duke mbajtur pozicione të ndryshme, të lidhura me analizën financiare të kredive, raportimin dhe vlerësimin e riskut.
Ermiri është diplomuar për Kontabilitet në Universitetin e Tiranës dhe mban gjithashtu edhe disa certifikime kombëtare e ndërkombëtare në fushën e kontabilitetit, manaxhimin e riskut, analizën financiare, kreditimin në bujqësi etj.

Aurela Tomini

Menaxhere Portofoli

Aurela iu bashkua ADGF në Nëntor 2025 si Menaxhere Portofoli. Ajo është një profesioniste me përvojë në sektorin bankar, me dy dekada në industrinë financiare, duke mbajtur role të ndryshme në shitje, menaxhim risku dhe zhvillim produktesh.
Aurela ka përfunduar studimet në Universitetin Bujqësor të Tiranës, ku mori diplomën Bachelor në Agro-Biznes në vitin 2005. Gjatë karrierës, ajo ka ndjekur edhe një sërë trajnimesh profesionale, të cilat kanë forcuar më tej njohuritë e saj në operacionet bankare, proceset e kreditimit dhe analizën financiare.

 

Besiana Lika

Menaxhere e Financës & Riskut

Besiana iu bashkua ADGF-së në vitin 2016 dhe është përgjegjëse për menaxhimin e financave dhe aspekteve të riskut të fondacionit. Gjithashtu, shërben si Sekretare e Bordit të Drejtorëve.
Ajo ka eksperiencë në fushën e financës, kontabilitetit, riskut dhe analizës së biznesit
Besiana u diplomua në nivelin Bachelor për degën Financë dhe Kontabilitet në vitin 2012 dhe në nivelin Master i Shkencave në Financë në vitin 2014, pranë Fakultetit të Ekonomisë në Universitetin e Tiranës. Që prej diplomimit, njëkohësisht ajo është angazhuar si pedagoge e jashtme pranë këtij fakulteti.

Stelina Shefqeti

Oficere Finance & Administrimi

Stelina iu bashkua ADGF-së në vitin 2021 dhe është përgjegjëse për aktivitetet fnanciare dhe administrative të fondacionit.
Stelina u diplomua në nivelin Bachelor për degën Financë në vitin 2020 dhe në nivelin Master i Shkencave në Financë në vitin 2022 pranë Fakultetit të Ekonomisë, Universiteti i Tiranës. Gjithashtu, ajo ka ndjekur një sërë kursesh dhe trajnimesh profesionale të lidhura kryesisht me kontabiliten, analizën financiare dhe modelimin financiar.