Tiranë, 6 maj 2026 — Fondacioni Shqiptar i Garancive për Zhvillimi (ADGF) ka nënshkruar një marrëveshje të re me Fondin Besa në kuadër të Programit të Garancisë BE–KfW për Ballkanin Perëndimor, duke zgjeruar shtrirjen e instrumentit të garancisë edhe tek huamarrësit e mikrofinancës.

Marrëveshja i mundëson Fondit Besa të përdorë mekanizmin e garancisë së programit në aktivitetin e tij kredidhënës, duke hapur një kanal të ri për aplikimin e instrumenteve të ndarjes së riskut në mbështetje të segmenteve më të vogla të biznesit.

Përfshirja e huamarrësve fundorë të institucioneve mikrofinanciare në program zgjeron shtrirjen e tij operacionale dhe sjell fleksibilitet shtesë në mënyrën se si ofrohen zgjidhjet financiare në treg.

“Kjo marrëveshje mundëson një ndikim të drejtpërdrejtë tek segmentet e biznesit më pak të mbështetura, duke nxitur formalizimin, mbështetur qëndrueshmërinë dhe konkurrueshmërinë e tyre, ndërsa Shqipëria avancon drejt procesit të anëtarësimit në Bashkimin Europian,” u shpreh znj. Gertjana Drita, Drejtore Ekzekutive e ADGF.

Përfaqësuesi i Fondit Besa, z. Bajram Muçaj, theksoi se marrëveshja krijon mundësi të reja për diversifikimin e qasjeve të kredidhënies dhe zgjerimin e mbështetjes përmes instrumenteve që promovojnë modele më gjithëpërfshirëse financimi.

Marrëveshja është pjesë e zbatimit të vazhdueshëm nga ADGF të programit BE–KfW në lloje të ndryshme institucionesh financiare në Shqipëri.